Osakidetzak astelehenetik asteazkenera bitarteko datuak islatzen dituen txosten epidemiologikoa argitaratu du eguerdian. COVID-19 birusaren zabalpenak kontrolik gabe jarraitzen badu ere, urteko emaitza baikorrenak dira gaurkoak.
Izan ere, 275 kasu berri atzeman zituen osasun sistema publikoak hiru egunetan. Aurreko asteetako kopuruekin alderatuta, nabarmen jaitsi dira positiboak. Alegia, duela astebete 404 izan ziren gaixo berriak, 345 duela bi aste, 663 duela 3 aste eta 695 urte hasieran.
Herrika, horrela banatu dira positiboak:
- Amurrio: 76 (31 astelehenean, 26 asteartean eta 19 asteazkenean).
- Artziniega: 11 (5 astelehenean, 1 asteartean eta 5 asteazkenean).
- Aiara: 15 (5 astelehenean, 2 asteartean eta 8 asteazkenean).
- Laudio: 105 (37 astelehenean, 29 asteartean eta 39 asteazkenean).
- Okondo: 7 (3 astelehenean, 1 asteartean eta 3 asteazkenean).
- Arrankudiaga-Zollo: 4 (asteazkenean 4).
- Orozko: 42 (12 astelehenean, 7 asteartean eta 2 asteazkenean).
Edonola, ez da ahaztu behar Eusko Jaurlaritzak erabaki zuela soilik agiaztatzea sintoma larriak dituzten, baja medikua behar duten eta arrisku egoeran dauden herritarren positiboak.
Intzidentzia metatuaren tasa berriro behera
Astelehenean beheranzko joera apurtu ostean, gaur berriro ekin diote intzidentzia metatuaren tasek beherazko joera izateari. Joera orokor horren salbuespena da Orozko, non igoera nabarmena egon den 42 kasu berrien ondorioz.