Eusko Jaurlaritzako Osasun Sailak koronabirusaren eboluzioa jasotzen duen txosten epidemiologiko berria plazaratu du. Bertan jaso dituzte otsailaren 10etik 13ra bitarte Aiaraldean egindako PCR eta antigeno azterketen emaitzak. Datuek kutsatze kopuruaren beherakada erakusten dute, eta guztira 100 izan dira zenbatutako kasuak.
Laudio izan da, berriro ere, udalerririk kaltetuena. Azken lau egunetan 48 koronabirsu kasu kontabilizatu dira bertan, eskualdean zenbatutako kasuen erdia. Arakaldon, ordea, ez da kutsatze berririk antzeman.
Udalerriz udalerri, hau izan da kasu berrien banaketa:
Intzidentzia metatuaren tasak ere nabarmen egin du behera azken lau egunetan, nahiz eta oraindik 100.000 biztanleko 1.000 kasuen gainetik egon Aiaraldeko udalerri gehienetan:
Neurri murriztaileak bertan behera
Gaurdanik, amaitutzat jo dute osasun-larrialdi egoera eta bertan behera geratuko dira indarrean zeuden neurri murriztaile gehienak. Horrela ebatzi zuten Labi batzordeak iragan ostegunean egindako bileran. Gauzak horrela, Espainiako Gobernuak ezarritako neurriak mantenduko dira soilik, eta horiek espazio itxietan egindako ekitaldi jendetsuei eragiten diete nagusiki.