Eusko Jaurlaritzako Osasun Sailak koronabirusaren eboluzioa jasotzen duen txosten epidemiologikoaren eguneraketa berria plazaratu du. 56 kutsatu berri aurkitu dituzte Aiaraldean astelehenetik asteazkenera bitarte egindako PCR eta antigeno azterketetan.
Hau da kasu positiboen kopurua udalerrika eta egunka banatuta:
- Amurrio: 21 kasu guztira (7 astelehenean, 7 asteartean eta 7 asteazkenean).
- Aiara: kasu 1 astelehenean.
- Laudio: 25 kasu guztira (8 astelehenean, 3 asteartean eta 14 asteazkenean).
- Okondo: 3 kasu guztira (1 astelehenean eta 2 asteartean).
- Arrankudiaga eta Zollo: 2 kasu guztira, biak asteartean.
- Orozko: kasu 1 asteartean.
- Urduña: 3 kasu guztira (1 asteartean eta 2 asteazkenean).
Intzidentzia metatuaren tasak ere beheranzko joera nabaria erakusten jarraitzen du, eta Arakaldo 100.000 biztanleko zero kutsatuen tasara iritsi da.
COVID pasea
Atzo iragarri zuten osasun agintariek azken hilabeteetan Osakidetzak egindako antigeno froga batean positibo eman dutenek aukera izango dutela COVID pasea luzatzeko. Luzapena 180 egunekoa izango da, positiboa jaso eta 11. egunetik zenbatzen hasita. Dokumentu horren erabilera atzerrira bidaiatzeko dago indarrean soilik gaur gaurkoz.