Aiaraldeko Euskararen Eguna ekainaren 4an ospatuko dute

Aitor Aspuru Saez 2022ko otsailaren 26a
Deskargatu Info Ahotsak :

Luiaondon aurkeztu zuten ekimena udazkenean./ Aiaraldea.eus

Abenduan egin behar zen jaia, baina COVID-19 birusaren pandemiaren zabalpenaren eta eguraldi iragarpenaren ondorioz, bertan behera geratu zen.

Aiaraldeko Euskararen Egunak data berria dauka jadanik. Zehazki, ekainaren 4an ospatuko da. Antolatzaileek jakinarazi dute laster informazio gehiago zabalduko dutela, jatorrizko egitarauan aldaketak egongo baitira.

Aiaraldeko Euskalgintza Kontseiluak, Aiarako Kuadrillak, Aiarako Udalak eta Luiaondoko Administrazio Batzarrak lan handia egin zuten abenduaren 4an euskararen erabilera sustatzeko jaia gauzatzeko, baina, tamalez, eguraldiaren iragarpenak eta COVID-19 birusaren pandemiaren bilakaerak beharrezkoa egin zuten ospakizuna bertan behera uztea.

Hala ere, antolatzaileek konpromisoa hartu zuten geroago deitzeko Aiaraldeko Euskararen Eguna, eta hitzari heldu diote. Berez, hasierako asmoaren parametro bera jarraiki prestatuko dute ekaineko egitaraua, baina, momentuz, ez dute ezer aurreratu horri buruz.

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide