'Prekarietatearen aurrean, feministok borrokara!' lemapean mobilizazio ugari deitu du Aiaraldeko Mugimendu Feministak

Izar Mendiguren Cosgaya 2022ko mar. 4a, 08:24
Deskargatu Info Ahotsak :

Azken urteetan mobilizazio jendetsuak antolatu ditu mugimendu feministak eskualdean . /Aiaraldea.eus

Herrian herri, ekimen desberdinak antolatu ditu Aiaraldeko Mugimendu Feministak martxoaren 8an. Eskualde mobilizazioa Orozkon egingo dute. 

Aiaraldeko Mugimendu Feministak aurkeztu du dagoeneko martxoaren 8ari begira osatutako egitaraua. Herrika, ekintza desberdinak proposatu dituzte, baina eskualdeko hitzorduak ere finkatu dituzte.

Goizean bi ekintza bateratu egongo dira: Batetik, 12:00etan ikasleek elkarretaratzea egingo dute Laudio Institituaren aurrean. Eta, bestetik, 12:30ean, Orozkoko Artiach fabrikaren aurrean elkartasun ekimena egingo dute, bertako emakume langileekin. "12:45eko autobusa hartuko dugu Artiachera joateko", aurreratu dute.

Ildo beretik, 14:30ean Orozkoko Ibarra auzora joko dute, Madres Mercedarias egoitzako langileekin mobilizatzeko. Arratsaldeko manifestazioa Orozkoko plazatik aterako da, 17:00etan hain zuzen. 

6 eragile saretu dira 2022ko Emakume Langilearen Nazioarteko Eguna antolatzeko: 

  • Aiaraldeko Mugimendu Feminista
  • Laudio eta Orozkoko neska* gazteak
  • Otsemeak
  • Ikama
  • Matxintxu
  • Artiach eta Mercedariaseko langileak

 

Dena den, arratsaldean, bailarako herri guztietara hedatuko dituzte aldarri feministak, tokian toki eskaintza desberdina izango delarik. 

  • Laudion, 17:30etik aurrera bilduko dira herriko plazan. Txokolate jana eta material salmentaren postua jarriko dute arratsalde osoan zehar bertan, 18:00etan Saharako emakumeen egoerari buruzko ekimena egongo da Etawasolen eskutik, 18:30ean emakume elkarteen kontzentrazioa izango da, ondoren dantza feminista (18:45) eta 19:30ean manifestazioa abiatuko da herrian barrena. Eguraldi txarra balego ekintzak Aldai plazan egingo dituzte.
  • Amurrion, 12:00etan 'Amurrioko emakumeon* topalekua' ekimena egingo dute, eta 12:30ean proiektuaren aurkezpena egongo da, Viginia Imaz klownaren laguntzarekin. Arratsaldean, berriz, 19:30ean izango da manifestazioa.

Larunbatean, solasaldia Amurrion

Bestalde, Amurrion 'Prekarietatearen aurrean elkratasun feminista' mahaingurua egingo dute larunbatean, 12:30ean plazan. 

 

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide