Eusko Jaurlaritzako Osasun Sailak koronabirusaren eboluzioa jasotzen duen txosten epidemiologikoaren eguneraketa berria plazaratu du. Bertan jaso dituzte ostegunetik igandera bitartean Aiaraldean egindako PCR eta antigeno azterketen emaitzak. Guztira 53 izan dira zenbatutako COVID-19 positiboak.
Udalerrika, honakoa izan da kutsatzeen banaketa:
- Amurrio: 24 kasu (ostegunean 8, ostiralean 10, larunbatean 3 eta igandean 3).
- Artziniega: 2 kasu ostegunean.
- Aiara: 6 kasu (ostegunean 3, ostiralean 1, larunbatean 1 eta igandean 1).
- Laudio: 18 (ostegunean 5, ostiralean 5, larunbatean 4 eta igandean 4).
- Arrankudiaga-Zollo: kasu 1 ostiralean.
- Orozko: 4 kasu (ostiralean 1, larunbatean 2 eta igandean 1).
- Urduña: 2 kasu (larunbatean 1 eta igandean 1).
Intzidentzia metatuaren tasa
Aurreko astean, denbora tarte berdinean, 83 COVID-19 kasu zenbatu zituen Osakidetzak, azken lau egunetan baino 30 kasu gehiago. Dena den, intzidentzia metatuaren tasak gora egiten jarraitzen du, igoera oso txikia den arren. Laudion, Arakaldon, Arrankudiaga eta Zollon eta Urduñan zertxobait egin dute behera markatzaileek.