Radio Revolucion taldeak abesti berria aurkeztu du, bideoklip eta guzti

Aimar Gutierrez Bidarte 2022ko martxoaren 14a
Deskargatu Info Ahotsak :

Ponte a Soñar kantaren bideklipa plazaratu berri du Radio Revolución-ek. Aurki argitaratuko duten 'Hitzak' diskoaren lehen single-a da honakoa, eta Kubako diskoetxe batean grabatu zuten 2020ko urte amaieran.

Abesti berria plazaratu du Radio Revolución taldeak: Ponte a Soñar. Abestia aurki kaleratuko duten 'Hitzak' diskoko lehenengo single-a da. Kubako Egrem diskoetxearen Studio 18 estudioan grabatu zuten lan berria, Habanan; taldeak Karibeko uhartera egindako bidaia probestuz. Tmmy Lowry-k ekoiztu du diskoa, eta aurkeztutako abestian Lillena rap abeslariaren kolaborazioa izan dute.

Bideoklip eta guzti aurkeztu dute Ponte a Soñar. Mauricio Figueralek zuzendu du ikus-entzunezko pieza, eta Habanako Malekoian eta Habana La Viejan grabatutako irudiak baliatu dituzte.

2020ko azaroa eta abendua Kuban igaro zuten Radio Revolucion-eko kideek, disko berria grabatzen. Uhartetik bira bat egiteko ere probestu zuten egonaldia, eta 4.000 lagunen aurrean jotzeko aukera izan zuten. Aiaraldea Komunikabideak bidaiaren kronika jaso zuen.

 

Kultura
Erlazionatuak
Disko berriarekin itzuli dira Radio Revolución taldeko kideak Kubatik
Disko berriarekin itzuli dira Radio Revolución taldeko kideak Kubatik

Txabi Alvarado Bañares 2022 ots 08 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide