EH Bildu, Elkarrekin Podemos eta PP alderdiek mozio bateratua aurkeztu zuten Arabako Batzar Nagusietan, baina EAJ eta PSE-EEko gobernuak baztertu zuen.
Arabako Batzar Nagusietako oposizioak mozio bateratua aurkeztu zuen atzo. Testuak eskatzen zion Arabako Foru Aldundiari ASASAM elkarteak kudeatzen duen etxebizitza komunitarioa -buru gaixotasuna duten lagun gazteentzat- ez ixtea.
Edonola ere, jeltzaleek eta sozialistek osatzen duten foru gobernuak ez du aintzat hartu proposamena. Berez, Emilio Sola Ongizate Gizarteko Diputatuak iragarri zuen zerbitzuak berriro antolatuko zituela eta, Maria Angeles Arbaizagoitia ASASAM elkarteko presidenteak Aiaraldea Komunikabidean azaldu zuen moduan, horrek albiste onak eta txarrak ekarri ditu.
Alde batetik, ikuskaritza handiko etxebizitza sortuko da eskualdean aurtengo abenduan, baina aurreko hilabetean, antza, Foru Aldundiak etengo du elkartearekin zuen ostatu-hitzarmena. Hitzarmen horren bidez, gaixotasun mentala duten 3 pertsona artatzen dira ikuskapen txikiko etxebizitza komunitario batean, eta beste bederatziri laguntza ematen zaie, bizitza independentea egin dezaten.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
