AZKEN DATUAK

27 kutsatu berrirekin, koronabirusaren zabalpena moteldu egin da Aiaraldean

Aitor Aspuru Saez 2022ko mar. 24a, 13:57
Laudion 14 kasu berri topatu ditu Osakidetzak. / Aiaraldea.eus

Astelehenetik asteazkeneran 27 lagun gehiago kutsatu ditu COVID-19 birusak. Aurreko asteetako datuak nabarmen murriztu dira eta eragina intzidentzia metatuaren tasetan ere islatu da.

Gaur eguerdian zabaldu du Osakidetzak azken hiru egunetako txosten epidemiologikoa. Osasun sistema publikoak bildutako azken datuen arabera, COVID-19 birusaren 27 kasu berri baino ez dira atzeman astelehenetik asteazkenera bitartean eta aurreko asteko kopuruek nabarmen egin dute behera. Izan ere, pasa den ostegunean 69 positibo berri agertu ziren eta duela bi aste, aldiz, 41.

Zehazki, horrela zabaldu da birusa eskualdean:

  • Amurrio: 2 (astelehenean 1 eta asteazkenean 1).
  • Artziniega: 1 (asteazkenean).
  • Aiara: 2 (astelehenean 1 eta asteazkenean 1).
  • Laudio: 14 (astelehenean 5, asteartean 2, asteazkenean 7).
  • Arrankudiaga-Zollo: 2 (astelehenean 1 eta asteartean 1).
  • Orozko: 3 (astelehenean 2 eta asteazkenean 1).
  • Urduña: 2 (asteartean 1 eta asteazkenean 1).

Intzidentzia metatuak mantendu dira

Bestalde, zabalpena moteldu denez, horrek eragina izan du intzidentzia metatuen tasetan. Udalerriei erreparatuta, Artziniegak, Aiarak, Arakaldok, Arrankudiaga-Zollok eta Orozkok mantendu dituzte euren kopuruak. Laudiok, Okondok eta Urduñak murriztu dituzte eta soilik Amurrion egin du gora.

Osasuna

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide