Laster abiatuko da Itzuliaren 3. etapa. Laudion hasiko da proba 12:57ean, Zumalakarregi etorbidetik, eta arratsaldean amaituko da Amurrion. Lehen txirrindulariak 17:17ak aldera iristea aurreikusi dute, eta 17:44ean, aldiz, azkenak.
Hemen daude lehenengo taldeak!
— Itzulia Basque Country (@ehitzulia) April 6, 2022
¡Los más madrugadores del día y’a están en el control de firmas en Laudio!@CajaRural_RGA | @euskaltel_team
GP @bancosabadell#itzulia21 pic.twitter.com/HwOadivSwN
Aiaraldeko errepide eta mendate ugari zeharkatuko dituzte txirrindulariek. Dena den, probaren zatirik gogorrena Ozekako aldapetan izango dela aurreikusi daiteke. Zale ugari bertaratuko dira bertara korrikalariak animatzeko asmoz.
Hemen ikusi daiteke ibilbidearen denbora-aurreikuspena.
Eskualdeko txirrindulari eta entrenatzaileek ere gogotsu helduko diote gaurko erronkari:
@ehitzulia Amurriora heltzen da gaur! Gure etxe inguruetaz gozatu, gu bezala maitatu eta txirrindulari guztiak animatu, lasterketa ziraragarria izango da! pic.twitter.com/9WMCjn3X2J
— Aritz Arberas (@Arpax) April 6, 2022
Trafikoan eragina
Probak eragin nabarmena izango du eskualdeko trafikoan eta aparkatzeko tokietan. Laudioko Zumalakarregi etorbideko aparkalekuak ezingo dira erabili arratsalde osoan zehar, eta errepideak moztuta egongo dira txirrindulariak igaro bitartean:
#Itzuliaren 3.etapa bihar irtengo da Laudiotik 12:30etan!!
— Laudio (Udala - Ayuntamiento) (@LaudiokoUdala) April 5, 2022
Eraginak trafikoan:
Zumalakarregi kaleko aparkalekuak taldeen autobusentzat gordeko dira
Itzuliaren ibilbidea Laudion: Aldai plaza, Zumalakarregi, Virgen del Carmen, Nerbioi eta Irukurutzeta #laudio pic.twitter.com/PMB7lh1Qbw
Amurrion, aldiz, ondorengo tokietan ezingo da aparkatu:
- Etxegoienbidean, Aldai kaleko biribilgunetik Aresketa Ikastolaraino.
- Aldai kalean, Aldai kaleko biribilgunetik Iritxusi kaleko bidegurutzeraino (Yas Garajea).
- Aiala Kalean, Elexondo kaletik Iturralde kaleraino.
- Frontoi Kalean, Armurubenta eta Frontoi kalearen artean.
- Araba kalean, Elizaren biribilgunearen eta Elexondo kalearen artean.
- Elizako aparkalekuan.
Gainera, zirkulazioa mugatuta egongo da ondorengo tokietan:
- Elexondo Kalean, helmuga muntatzen eta desmuntatzen ari diren bitartean.
- Etxegoienbidean, autobusak eta ekipoetako gainerako ibilgailuak iristen direnetik joaten diren arte.
- Aldai Kalean, 16:00etatik aurrera.
