52 COVID-19 kasu berri topatu ditu Osakidetzak Aiaraldean azken astean. Hala azaldu du osasun sistema publikoak gaur eguerdian plazaratutako txosten epidemiologikoan.
Hauek dira kasu kopuruak, udalerrika eta egunka banatuta:
- Amurrio: 9 kasu guztira (4 astelehenean, 1 asteartean, 3 asteazkenean eta 1 igandean)
- Artziniega: Kasu 1, ostegunean.
- Laudio: 29 kasu guztira (2 astelehenean, 5 asteartean, 10 asteazkenean, 3 ostegunean, 6 ostiralean, 1 larunbatean eta 2 igandean).
- Okondo: Kasu 1, ostiralean.
- Arrankudiaga-Zollo: Kasu 1, larunbata.
- Orozko: 4 kasu guztira (2 astelehenean eta bana asteazken eta ostegunean).
- Urduña: 7 kasu guztira (2 astelehenean, 2 asteazkenean eta 3 igandean).
EAEn 3.352 positibo egon dira guztira 7 egunetan. 12 pertsona hil dira birusaren ondorioz, 203 pertsona daude ospitaleratuta eta 10 Zaintza Intentsiboetarako Unitatean.
Intzidentzia metatuaren tasak, behera
Intzidentzia metatuaren tasek behera egin dute udalerri gehienetan. Baina Laudio, Okondon zein Urduñan igoerak egon dira (Laudioren kasuan igoera oso leuna izan bada ere). Arakaldon, aldiz, ratioa berdin mantendu da.