Ganekogorta mendia argiztatuko dute erabakitzeko eskubidearen alde

Tologorrin antzeko ekimena burutu zuten 2019an. / Aiaraldea.eus

Gure Eskuk Ganekogorta mendia argiztatuko du datorren maiatzaren 14an, erabakitzeko eskubidearen alde. Udan Piriniotako Bidea ekimenera deitzeko baliatuko dute hitzordua.

Maiatzaren 14an Ganekogorta mendia eta inguruko tontorrak argiztatuko ditu Gure Eskuk. 21:00etan piztuko dituzte argiak gailurretatik. Aurretik, lau hitzordu finkatu dituzte hainbat tokitatik Ganekogortara igotzeko: Pagasarriko hesitik, Ermualdetik, Arrankudiagako Ustara auzotik eta Alonsotegiko Mendizain aterpetik. Mendizale guztiak 19:00etan abiatuko dira. Antolatzaileek frontala eta argiztatzeko bestelako tresnak eramateko deia luzatu dute.

2019ko urrian antzeko ekimena burutu zen Aiaraldean. Gure Esku dinamikak bultzatuta Tologorri mendia argiztatu zuten ehunka mendizalek Herrialde Katalanetako buruzagi independentisten zein Altsasuko gazteen aurkako epaiak arbuiatzeko:

Piriniotako Bidea

Gure Eskuk eta Herrialde Katalanetako ANCk ekimen bateratua egingo dute uztailaren 2an, Pirinioak alderik alde argiztatuz. 300 gailur baino gehiagotan piztuko dituzte argiak egun horretan, erabakitzeko eskubidea aldarrikatzeko. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide