Osasun sistema publikoak pasa den asteko txosten epidemiologikoa plazaratu du. Aiaraldeko egoerari dagokionez, pasa den asteko datuak eta duela bi astekoak oso antzekoak dira. Apur bat murriztu da kopurua eta 139 kasutik 131 kasura igaro da eskualdea. Aurreko asteetako gorantzako joera eten da, hori bai.
Udalerriei erreparatuta, Laudiok eta Amurriok jarraitzen dute izaten positibo berri gehien pilatzen dutenak:
- Amurrio: 32 (astelehenean 4, asteartean 7, asteazkenean 6, ostegunean 7, ostiralean 7 eta larunbatean 1).
- Artziniega: 3 (asteazkenean 1, ostiralean 1, eta igandean 1).
- Aiara: 5 (astelehenean 1, asteartean 2 eta ostegunean 7).
- Laudio: 54 (astelehenean 6, asteartean 8, asteazkenean 12, ostegunean 10, ostiralean 7, larunbatean 4, igandean 7).
- Okondo: 2 (ostiralean 2).
- Arakaldo: 2 (ostegunean 1 eta ostiralean 1).
- Arrankudiaga-Zollo: 1 (asteartean)
- Orozko: 11 (astelehenean 2, asteartean 1, ostegunean 1, ostiralean 4, larunbatean 1, igandean 2).
- Urduña: 21 (astelehenean 2, asteartean 5, asteazkenean 3, ostegunean 5, ostiralean 5 eta igandean 1).
Intzidentzia metatuaren tasa
Oro har, COVID-19 birusaren intzidentzia metatuaren tasak gora egin du Aiaraldean. Kasurik argiena Arakaldo da, non hutsetik 1176,47 izatera igaro den. Hori bai, aintzat hartu beharra dago gorakada eragin dutela bi gaixo berrik soilik. Artziniegan, Aiaran, Laudion, Orozkon eta Urduñan ere datu horrek okerrera egin du. Amurrion, Okondon eta Arrankudiaga-Zollon, aldiz, kopuruak jaitsi dira, bereziki, azken udalerrian.