Arabako metalgintzan beste lau greba egun egingo dituzte hitzarmen kolektiboa lortzeko
Aitor Aspuru Saez
2022ko eka. 20a, 17:44
ELA, CCOO, LAB, USO, ESK eta CGT sindikatuek bigarren greba txanda deitu dute. Lau lanuzte izango dira, ekainaren 30ean eta irailaren 21ean, 22an eta 23an, Arabako metalgintzako negoziazio mahaia desblokeatzeko asmoz.
Maiatzean hiru greba egun gauzatu ostean, ELA, CCOO, LAB, USO, ESK eta CGT sindikatuek mobilizazioekin jarraituko dute negoziazio prozesua bultzatzeko. Berez, ekainaren 30ean izango da lehen deialdia eta lanuzteei berriro ekingo dieteudako oporrak amaituta. Beste hiru eguneko protesta abiatuko dute orduan, irailaren 21ean, 22an eta 23an, alegia.
Gaur jakinarazi dute bere asmoa sindikatuek eta, gainera, patronalaren antolakundeari, SEAri, exijitu diote ekainaren 29an aurreikusitako bilera baino lehen batzartzea. Berez, langile erakundeek proposamen berria eramango dute eta SEAri eskatu diote negoziaziorako konpromiso bera izatea lan hitzarmenari begira.
Zehazki, sindikatuek KPIren araberako igoerak jaso behar direla errepikatu dute, bai tauletan, bai soldata errealetan; lanaldia nabarmen jaitsi; baja medikuen osagarriak hobetu; subrogazio zabala jaso; malgutasuna mugatu; eta bizitza erdigunean jarriko duten neurriak ezarri, laneko osasunean eta berdintasunean hobekuntzak egitearekin batera.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
