Faktoria ireki zenetik urtebete igaro dela ospatzeko jaia egin zuten larunbatean Laudioko Industriaguneko pabilioian. Egun osoko egitaraua egon zen, herritar ororentzat irekia, eta eskualdeko ehundik gora lagun bertaratu ziren ekintzez gozatzera.
10:30ean ireki zituzten espazioko ateak, Aiaraldea Kooperatiba Elkartearen batzar nagusia egiteko. Urteko kontu ekonomikoak eta plangintzak azaldu eta onartu zituzten bertan. Irri olinpiadak eta haurrentzako jarduerak egon ziren jarraian, eta ekitaldi berezia ere egin zuten: Kepa Barañano laudioarrak landutako eskultura inauguratu zuten Faktoriako lorategian.
Bazkalostean, aldiz, musikak eta dantzak hartu zuten protagonismoa, Zuzterrak taldearen dantza-plazarekin eta Beranduegi erromeriarekin. Iluntzean, aldiz, Dantzetan Jarrai arduratu zen jai-giroa luzatzeaz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide