Kultur sorkuntza Aiaraldean

Radio Revolucionek Kuban grabatutako diskoa, osorik entzungai

Txabi Alvarado Bañares 2022ko uzt. 19a, 06:30

Internetera igo berri dute hamar abestiz osatutako albuma, eta irailean plazaratuko dute formatu fisikoan. 

Internetera igo du Radio Revolución taldeak bere disko berria, Hitzak izenekoa. 10 abestiz osatutako lana da, eta Kuban ekoiztu zuten iaz, irlan barrena egin zuten bira probestuz. La Habanako Egrem disketxearen Studio 18 estudioan egin zituzten grabaketak, Buenavista Social Club talde mitikoko Tommy Lowry tronpetistaren gidaritzapean. Beste hainbat musikari ezagun ere izan zituzten bidelagun aiaraldearrek sorkuntza prozesuan: Ray Fernandez, William Vivanco, David Suini, Eduardo Sandoval eta Llilena rapeatzailea. 

Erresuma Batura bisita uztailean

Irailean argitaratuko dute diskoa formatu fisikoan. Baina bienbitartean ez dute oporrik hartuko Radio Revolucioneko kideek, Erresuma Batura joko baitute hilabete honen amaieran. Bi kontzertu eskainiko dituzte bertan. Londreseko The Magic Garden gunean arituko dira uztailaren 30ean. Hurrengo egunean, aldiz, Dorsetera joko dute, The Camp Bestival jaialdian jotzeko.

2016. urtean hasi zuen ibilbidea Radio Revolución taldeak, Jurgi Ibarretxe musikari laudioarrak zuen proiektu zahar bat berreskuratuz. Handik bi urtera argitaratu zuten izen bereko diskoa:

Kultura

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide