Osakidetzak pasa den asteko txosten epidemiologikoa argitaratu du gaur. Tarte horretan 37 kasu berri azaleratu ditu osasun sistema publikoak, gehienak Laudion, 25. Hala ere, Amurrion, Urduñan, Orozkon eta Arrankudiagan ere eragina izan du koronabirusak.
Kopuru horrekin bigarren aldiz egin du gora jarraian positiboen zenbaketak, 37 eta 28 azken bi asteetan. Hain zuzen, duela aste batzuen joera bera agertzen ari da, baina alderantziz. Uztailean hiru asteko beherantzako joerak 36 kasu utzi zituen hileko azken astean, eta abuztuko lehenengoak ere murriztu zituen positiboak, 29.
Intzidentzia metatuaren tasa
Azken asteko gorakadak isla izan du eskualdeko udalerrietako intzidentzia metatuaren tasetan. Kasu batzuetan, positiboa izan da, Artziniegak eta Aiarak zeroan baitute orain datu hori. Laudion, Urduñan, Orozkon eta Arrankudiaga-Zollon, ordea, handitu egin da kopurua. Zehazki, Laudiok ia bikoiztu du tasa. Amurrio, Okondo eta Arakaldo duela bi asteko egoera berean daude.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
