AZKEN DATUAK

COVID-19 birusaren kasu berriek behera egin dute berriro

Behera egiten jarraitzen dute koronabirusaren datuek. / Aiaraldea.eus

Uda honetan egon den bigarren zenbaketarik onena izan da iraileko lehen astean jasotakoa, kopuru aldetik, 17 kasu egon baitira guztira. 

Osakidetzak gaur goizean zabaldu du koronabirusari buruzko txosten epidemiologikoa eta azken asteko zenbaketak aurrekoaren joera bera utzi du; beheranzkoa, alegia. Gauzak horrela, 17 kasu berri baino ez dira detektatu irailaren 5etik 11ra bitartean. Hau da, aurreko asteko positibo kopurua murriztu da. Lau herritan agertu dira kutsatu berriak eta udalerri kaltetuena Orozko izan da.

Abuztu amaierako salbuespena amaituta, hortaz, birusaren zabalpena berriro mugatu da. Uztailaren bigarren astean hasi zen modu ikusgarrian efektu hori; aste batean 122 gaixo berri zeuden eta uztailaren 11tik 17ra 76 baino ez ziren izan. Horrezkero, eta abuztuko bi aste kenduta, nabarmen jaitsi da COVID-19aren presentzia eskualdean.

Intzidentzia metatuaren tasari dagokionez, herri gehienek berdin jarraitzen dute: Aiarak, Artziniegak, Okondok, Arakaldok eta Arrankudiaga-Zollon ez dute aldaketarik izan esparru horretan. Laudiok eta Urduñak nabarmen murriztu dituzte euren tasak eta, azkenik, Amurriok eta Orozkok gora egin dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide