Langileek kaleratzeak ekidin ostean, negoziazio mahaia zabalduko dute Superberriak eta Uvesco taldeekin

Laudioko saltokiaren aurrean ospatu dute langileek garaipena. / Aiaraldea.eus

Superberriakeko langileek abiatutako greba mugagabeak kaleratzeak gelditzea lortu du. Orain langileen ordezkariek, Superberriakeko zuzendaritzak eta BM enpresak negoziazio mahai irekiko dute saltokien eta lanpostuen etorkizuna bermatzeko.

Langileen presioak fruituak eman zituen eta Superberriak enpresak Enplegua Erregulatzeko Espedientea erretiratu zuen bart gauean. Azken unera arte luzatu zuten kudeatzaileek egoera. Izan ere, ia eguerdian sinatu zuten akordioa.

Gauzak horrela, beharginek bertan behera utzi dute greba mugagabera eta bihar itzuliko dira lanera. Mailakatuta hasiko dute jarduna, saltokiek ohiko erritmoa berreskuratu arte.

Bide luzea oraindik

LAB eta CCOO sindikatuetako ordezkaritzek ateratako ohar batean azaldu bezala, greba mugagabea bertan behera utzi arren, "borroka ez da hemen amaitu". Superberriak zein BM enpresekin negoziaketa abiatuko dute orain, bart sinatutako akordiaren gainean. "Enpresaren aktibitatea zein gure lanpostuen mantentzea bermatu arte, erne, antolatuta eta borrokan jarraituko dugu" adierazi dute langileen ordezkariek. "Argi dugu Superberriak-ek ardura bat daukala bere langileekiko, eta beraz, jarduera utzi nahi baldin badu, dendentzako eroslea bilatu beharko duela, lanpostu eta langileekiko erantzukizunez jokatuz".

Bart gaueko akordioaren arabera BM enpresa kudeatzen duen Uvesco konpainiak subrogatuko ditu Suberberriak taldeko langile guztiak, eta saltoki guztiak mantenduko ditu.

Borroka eredugarria

Superberriak enpresak irailaren 7an iragarri zuen saltoki guztien itxiera, guztira 90 lagun baino gehiago kale gorrian utziz. Langileek greba mugagabeari ekin zioten irailaren 16ean Enplegua Erregulatzeko Espedientea erretiratu arte. Bost egunez luzatu da lanuztea, eta honen jarraipena %100ekoa izan da.

Hain zuzen ere, behargin guztien "batasuna eta determinazioa" goraipatu dituzte langileen ordezkariek. "Dendaz denda burututako piketeak, bezeroen elkartasuna, denden aurrean egindako bilkurak, Laudion burututako manifestazio jendetsua eta herri, eskualde zein bestelako lantokietatik jasotako elkartasun keinuak erabakigarriak izan dira. Batasuna, antolakuntza eta ekintza sindikala" nabarmendu dute LAB eta CCOO sindikatuek.

Erlazionatuak

Enplegua Erregulatzeko Espedientea erretiratu du Superberriakeko zuzendaritzak

Aiaraldea

Superberriakeko zuzendaritzak atzera egin du, eta Enplegua Erregulatzeko Espedientea erretiratu du. Dendetako langileak Laudioko lokalean elkartu d...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide