Bor-bor Aiaraldeko Feminismo elkarteak egitasmo berria plazaratuko du aurki. Aiaraldeko Mugimendu Feministaren historiarekin argazki erakusketa atondu zuen udaberrian, eta bailarako herrietan barrena ibili da geroztik. Orain, ordea, beste formatu bati helduko diote: tribial digitala.
Hain zuzen, urriaren 12an -datorren asteazkena- 18:00etan aurkeztuko dute proiektua, Aiaraldea Ekintzen Faktorian (Gardeako industriagunean, Errotari kaleko 4-8 pabilioian) eta jolasteko parada eskainiko dute, aurreratu dutenez.
Horretarako, 60 galdera baino gehiagorekin osatutako jolasa prestatzen eman dituzte azken hilabeteak. Ildo beretik, historia laburbiltzen duen podkasta ere ekoitzi dute, argazki erakusketan zehar entzungai egongo dena.
Ekimenaren aurkezpenaz gain, Aiaraldeko Mugimendu Feministaren historiari buruzko argazki erakusketa atonduko dute gunean. Ekitaldia irekia eta doakoa izango da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
