Osakidetzak iragan asteko txosten epidemiologikoa zabaldu du gaur. Guztira, urriaren 3tik 9ra bitartean 23 positibo azaleratu zituen osasun sistema publikoak eta hirugarren astez jarraian aurreko txostenaren kopurua gainditu ditu. Aintzat hartu beharra dago irailaren erdialdean urteko zenbaketa baxuena izan zela. Gauzak horrela, azken asteetako joerarekin, badirudi aurretik egindako bidea desegiten ari dela. Hau da, positiboak areagotu dira, baina iazko urte amaieran eta aurtengo urtarrilean jasotako egoerarekin ez dute zerikusirik.
Horren erakusle argiena da intzidentzia metatuaren tasa. Esaterako, urtarrilaren hasieran Orozko 6347,4an zuen tasa, eta egun 73,18koa da.
Azken txostenari dagokionez, Amurriok, Artziniegak eta Aiarak euren tasen kopuruak bikoiztu dituzte, baina nabarmendu beharra dago ez direla bereziki kezkagarriak. Bestalde, Laudiok ere apur bat egin du gora; eta Urduñak, Arakaldok, Arrankudiaga-Zollok eta Okondok mantendu egin dituzte euren markak. Orozkok, ordea, kopurua erdira murriztu du.
Herriz herrikako kutsatuei dagokienez, Amurriok eta Laudiok izan dituzte ia kutsatu guztiak: