Atzo -ostirala- gauzatu zuten BM supermerkatu katearen, Superberriakeko zuzendaritzaren eta langileen artean erdietsitako akordioa. Beharginak Uvescoren (BM katearen jabea) eskuetara igaro dira, Laudio, Amurrio, Ugao eta Bilboko dendekin batera. Modu horretan, hemendik aurrera enpresa horrek Araba eta Bizkaian duen lan hitzarmena aplikatuko zaie langileei.
Gauzak hala, amaiera eman diote irailean abiatutako gatazkari. Denda guztiak itxi eta langile guztiak kaleratzeko asmoa adierazi zuen orduan Superberriakeko zuzendaritzak. Langileek greba mugagabea abiatu zuten, eta babes zabala jaso zuten herritarren partetik egun horietan egindako mobilizazioetan. Borrokak emaitzak izan zituen: Superberriakeko zuzendaritzak bertan behera utzi zuen Enplegua Erregulatzeko Espedientea, dendak eta langile guztiak Uvescori subrogatzea onartuta. Hori da atzo egin zutena.
Langileen ordezkariek azaldu dutenez, dendak itxita egongo dira ostegunera arte, trantsizioa burutzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
