Osakidetzak COVID-19 birusaren txosten epidemiologiko berria plazaratu du gaur. Horren arabera, pasa den astean 20 gaixo berri detektatu zituen osasun sistema publikoak eskualdean. Hau da, datuak berdintzen du duela bi asteko kopurua, baina positiboen banaketan ezberdintasun nabarmena egon da. Izan ere, Urduñak izan ditu kasu gehienak, hamahiru orotara. Orokorrean, Laudio eta Amurrio dira gaixo gehien dituzten udalerriak, populatuenak direlako.
Edonola ere, pasa den astean birusaren zabalpenak bestelako joera erakutsi zuen: Urduñak eta Orozkok Laudiok baino positibo gehiago izan zituzten eta gainerako udalerriek ez zuten kutsatu berririk izan.
Horrek isla izan du intzidentzia metatuaren tasan. Berez, Amurriok eta Artziniegak erdian baino gehiago murriztu dute tasa, eta Laudiok ere behera egin du. Arakaldok hutsera murriztu du eta Aiarak, Okondok eta Arrankudiaga-Zollok eutsi diete duela bi aste izandako kopuruei. Orozkok eta Urduñak, aldiz, gorakada izan dute eta Urduñak, gainera, pasa den asteko marka bikoiztu du.