KONSTITUZIO EGUNARI PLANTO

Euskal egutegi propioaren alde, ohiko jarduna dute gaurkoa Aiaraldea Kooperatiba Elkarteko langileek

Erredakzioa 2022ko abe. 6a, 12:25
Aiaraldea Kooperatiba Elkarteko langileek ohiko jardunari eutsi diote gaur. / Aiaraldea.eus

Aiaraldea Kooperatiba Elkarteak uko egin dio, urtero lez, Espainiako Konstituzioaren Eguna ospatzeari. Faktoriako bulegoek ohiko ordutegiari eutsi diote gaurkoan, euskal egutegi propioaren alde.

Ohiko jardunari eutsi diote gaurkoan Aiaraldeko Ekintzen Faktoriako bulegoek. Aiaraldea Kooperatiba Elkarteko langileek uko egin diote -urtero bezala- Espainiako Konstituzioaren eguna ospatzeari, egutegi propioaren aldeko apustuan berretsiz.

Faktoriako egitarauak ere ohiko jarduna mantenduko du gaur. Kokoriko Hezkuntza Faktoriak truke-azoka antolatu du goizean, eta arratsaldean kantina zabalik egongo da, espazioaz gozatu nahi duten herritar ororentzako.

Jai egun arrotzatzat jotzen diren egunak bestelako jai egun batzuengatik ordezkatzeko erabakia hartu du Aiaraldea Kooperatiba Elkarteak. Aiaraldean zein Euskal Herri luze zabalean ere, beste kooperatiba eta elkarte askok lan eguna dute gaurkoa, euskal egutegi propioaren aldeko hautua aldarrikatuz. 

Jendartea

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide