Osakidetzak eguerdian plazaratu du COVID-19 birusari buruzko txosten epidemiologikoa eta Aiaraldeari dagokionez, datuak duela bi aste baino okerragoak dira. Izan ere, abenduaren 12tik 19ra bitartean 20 kasu detektatu zituen osasun sistema publikoak eta pasa den astean 29, hau da, ia %30eko hazkundea gertatu da.
Igoera hori gehien islatu da Amurrioko, Artziniegako eta Orozkoko kasuetan. Hirurek erregistratu zituzten 6 gaixo berri. Amurriok bikoiztu du bere aurreko kopurua eta beste biek, ordea, sei aldiz biderkatu dute.
- Amurrio: 6
- Artziniega: 6
- Aiara: 1
- Laudio: 8
- Orozko: 6
- Urduña: 2
Intzidentzia metatuaren tasan ere sumatzen da aldaketa hori, bereziki, Artziniegan (hirukoiztu du bere batezbestekoa) eta Orozkon (ia bikoiztu du).
Edonola ere, gainerako udalerriek tasak murriztu dituzte edo mantendu dituzte dauden moduan. Hortaz, eragina ez da orokorra izan. Eskualdeko ikuspuntutik, EAEn joera kontrakoa izan da, koronabirusaren zabalpena murriztu baita.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
