Duela bi asteko datu bikainak ez ditu hobetu Aiaraldeak azken astean. Izan ere, urte amaieran 11 positibo baino ez zituen detektatu osasun sistema publikoak eskualdean eta 2022ko asteko zenbaketa guztiak hobetu zituen marka horrek. Pasa den astean, ordea, 17 izan ziren gaixo berriak eta, ondorioz, nabarmen egin du gora kopuruak. Hala eta guztiz ere, gorakada erlatiboa da, ez baitira kasu asko.
Aintzat hartu beharra dago abenduaren amaieran 29 positibo berri azaleratu zituela Osakidetzak Aiaraldean eta 2021ari erreparatuta, ehunka agertzen zirela egunero. Horregatik guztiagatik, printzipioz, ez dago arrazoirik arduratzeko azken txosten epidemiologikoen emaitzekin.
Gainera, nabarmentzekoa da udalerririk populatuenean baino, proportzioan, Orozkon edota Urduñan izan duela eragin gehiago birusak:
Intzidentzia metatuari dagokionez, jaitsiera nabarmenak egon dira Amurrion eta Artziniegan, eta txikiagoak Aiaran eta Laudion. Aipatzekoa da Orozkon ere gertatu dela jaitsiera atal horretan, nahiz eta bost kutsatu berri agertu. Okondok eta Arakaldok eutsi diete euren datuei (hutsean mentenduta). Arrankudiaga-Zollon eta Urduñan, aldiz, okerrera egin dute tasek.