Amurrioko bertso jaialdiarekin eta Faktoriarekin estreinatuko du aurtengo denboraldia 'Hitzetik hortzera' telebista saioak

Erredakzioa 2023ko urtarrilaren 12a
Deskargatu Info Ahotsak :

Eider Perez aurkezleak gidatzen du telebista saioa. / Hitzetik Hortzera

Larunbatean 21:00etan emititituko dute ETB1eko Hitzetik hortzera saioa. Amurrioko bertso jaialdia eta Faktoria izango dira protagonista, Izar Mendiguren Cosgaya bertsolaria bidelagun.

Larunbatean hasiko du denboraldi berria Hitzetik hortzera telebista saioak. 21:00etan izango da emisio ordua, eta Amurrio Antzokian urtero egiten den bertso jaialdia izango du ardatz lehenbiziko programak. Hain zuzen, urtarrilaren 4an izan zen emanaldia, 2022ko Euskal Herriko bertsolari txapelketa nagusiko finalistekin, besteak beste. Aintzane Irazusta gai-jartzailearen esanetara aritu ziren kantuan Maialen Lujanbio, Sustrai Colina, Nerea Ibarzabal, Alaia Martin, Joanes Illarregi, Beñat Gaztelumendi, Julio Soto eta Oihana Iguaran. 

Amurrio ez da izango programan agertuko den eskualdeko toki bakarra. Izan ere, Aiaraldea Ekintzen Faktoria bisitatu zuen Eider Perez aurkezleak, Izar Mendiguren Cosgaya bertsolaria elkarrizketatzeko. Horrenbestez, Faktoriari buruz ere mintzatuko dira larunbateko telebista saioan.

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide