Borrokan 5 urte daramatzatela ospatu dute Aiaraldeko pentsiodunek

Erredakzioa 2023ko urtarrilaren 16a
Deskargatu Info Ahotsak :

Talde argazkia eta mokadua egin dituzte eskualdeko plazetan, eginikoak ospatu eta aurrera begira indarrak hartzeko. 

5 urte bete dira Euskal Herriko pentsiodunak mobilizazio masiboak egiten hasi zirenetik. Orduz geroztik, astelehenero egiten dituzte elkarretaratzeak dozenaka hiri, auzo eta herritan, bi aldarri nagusirekin: 1.260 euroko gutxieneko soldata ezartzea eta gutxieneko pentsioa 1.080 eurokoa izatea.

Bi aldarri horiek atera dituzte gaur kalera berriz. Talde argazkiak egin dituzte lehenbizi, eta mokadua partekatu dute gero, orain arte eginikoak ospatu eta aurrera begira indarrak hartzeko. 

Aiaraldeko pentsiodunen mugimenduak, berez, ibilbide luze eta oparoagoa du, baina azken bost urteetan bereziki aktibo egon dira. Arestian aipatutako aldarriez gain, bestelako gai eta arazoak ere jarri dituzte mahai gainean: Osasun sistemaren egoera, Kutxabanken bulegoen itxiera edota emakume pentsiodunen egoera latza, besteak beste. 

Argazkiak: Laudio eta Amurrioko Pentsiodunen mugimenduak eta Unai Gotxi 

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide