Datu oso apala utzi du Aiaraldean urtarrileko azken asteak, COVID-19 birusaren zabalpenari dagokionez: 2022ko zenbaketarik baxuena murriztu du. Gainera, une hauetan eskualdeko udalerri guztiak, salbuespenik gabe, eremu gorritik kanpo daude.
COVID-19 birusak eragindako pandemiaren bilakaeran mugarri berria finkatu du Osakidetzak pasa den astean argitara eman zuen txosten epidemiologikoak. Izan ere, 2022ko daturik apalena erdira murriztu da urtarrilaren 23tik 29ra bitartean.
Osasun zerbitzu publikoaren zenbaketaren alderik aipagarriena da Laudion kutsatu berri bakarra agertu zela, eskualdeko udalerririk populatuena izanda ere. Amurriok duela bi asteko kopuru bera errepikatu zuen, hiru, eta Aiarak eta Okondok kasu bana izan zuten.
Intzidentzia metatuaren tasaren esparruan, udalerri oro dago eremu gorritik at. Hau da, 100 baino gutxiago da tasa herri guztietan, nahiz eta Aiarak bere kopurua bikoiztu duen eta Okondon ere igo egin den. Bilakaera positiboena Orozkon, Urduñan eta Artziniegan jazo da, hutsean baitaude egun. Laudiok ere behera egin du eta 11,04an kokatu du bere tasa.
Edonola ere, ez da ahaztu behar birusak eragina duela oraindik ere osasun publikoan. EAEko 71 lagun daude ospitaleratuta eta 4 zendu ziren pasa den astean. Horrenbestez, pandemiaren hasieratik 8.429 herritar hil dira koronabirusaren ondorioz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
