Aiaraldea Ekintzen Faktoria handitu da. Ilusioz beteta gaude, proiektua aurrera doa eta jende gehiago behar dugu. Egun, hainbat lan esparru ditu martxan Kooperatibak: Aiaraldea Komunikabidea, hezkuntza, kultura, elikadura burujabetza, feminismoa, ekonomia sozial eraldatzailea edota komunikazio agentzia bera. Gure komunitatea euskaratik eraldatzen jarraitzeko, enplegu eskaintza sorta dakar udaberriak denentzat. Interesdunek martxoaren 26 baino lehen bidali beharko dituzte curriculuma eta aurkezpen gutuna Faktoriako webguneko 'Gurekin lan egin' atalera.
Interesdunek martxoaren 26 arte bidali ahalko dute curriculuma eta aurkezpen gutuna Faktoriako webgunera
5 lan deialdi
Zehazki, 5 lan deialdi berri zabaldu ditu Aiaraldea Ekintzen Faktoriak (oinarriak eta baldintzak ikusteko klikatu bertan). Kasuan kasu, lanaldiak handitzeko aukera aztertuko da.
- Ikus-entzunezko langilea eta soinu-argi teknikaria (%62.5 lanaldia)
- Publizitatea eta komunikazio zerbitzuen saltzailea (lanaldi erdia)
- Kultur kudeatzailea eta programatzailea (lanaldi erdia)
- Ekonomatu kolaboratiboko dinamizatzailea (lanaldi erdia)
- Argitalpenen banatzailea (lanaldi herena)
2010ean aurkeztu genuen Aiaraldea Komunikazio Leihoa proiektua, eta Aiaraldea Ekintzen Faktoria bilakatu zen 2021ean. 11 urtetan euskaraz bizitzeko hamaika tresna sortu ditugu. Elkarlana, auzolana eta lana: hiruki hori balio eraldatzailetan eta komunitatean oinarritutako egitasmo zabal eta anitz batean borobildu nahi? Eman izena lan-deialdietan.
