Loraldi Jaialdiaren aurtengo edizioak hainbat kultura ekintza eraman ditu Bilbora eta Aiaraldea Komunikabideak martxoaren 20an eta 21ean egongo diren jarduerak ikusteko sarrera bikoitzak zozkatuko ditu.
Lehenik eta behin, Alaska poesia errezitaldi musikatua taularatuko da Castillo Suarez poetaren eta Juantxo Zeberio musikariaren eskutik. Bidebarrieta liburutegian izango da 19:00etan. Alaska izeneko bide bazterreko hotel abandonatu batean kokatutako narrazioarekin gurutzatuko dira hainbat poema eta doinu. Maiz idatzi da desamodioaz eta abandonuaz, baina ez horrenbeste lekuak eta gizakiak lotzen dituzten hari ikusezinei buruz, eta hori da lanaren asmoa.
Hurrengo egunean antzeztuko dute Elur Zuriren hiru heriotzak obra, Alondiga-Azkuna Zentroko auditorioan 19:30ean. Dantza, musika eta antzerkia uztartzen ditu piezak, Ander Berrojalbiz eta Joseba Sarrionandiak idatzita.
Aiaraldea Komunikabideak sarrera bikoitzak zozkatuko ditu ikuskizunekin gozatzeko eta hemen eman daiteke izena.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
