Arte Hartze Ziklorako bonoa

Arte Hartze Zikloa garatuko du Kultur Faktoriak udazkenean, zazpi jardueraz osatutako programarekin. Hemen ikusi daiteke egitarau osoa. Aiaraldea Komunikabideak bertan parte hartzeko bonoa zozkatuko du erabiltzaileen artean. 

Porrotx eta Yogurinharen ikuskizunerako sarrera bikoitza

Datorren asteko ostegunean, hilaren 17an, Yogurinha Borovak eta Porrotxek bisitatuko dute Faktoria “koloreak eta baloreak dantzan” jartzeko. Bi lagunek Faktoriarentzako propio sortutako ikuskizuna taularatuko dute eta Aiaraldea Komunikabideak sarrera bikoitza zozkatuko du.

Arte Hartze Zikloaren irekiera ekitaldirako sarrera bikoitza

Ostiral honetan, irailaren 11n, abiatuko da Arte Hartze Zikloa. 18:30ean Aiaraldeko eta Lapurdiko artisten mahai-ingurua egongo da, aurkezpen gisa, eta euskaraz sortzeak ematen dienaz hausnartuko dute. Ostean, 20:00ak aldera ØDEI raperoaren Auhen taldeak kontzertua eskainiko du.

Ekitaldirako sarrera bikoitza zozkatuko du Aiaraldea Komunikabideak.

EHZ Festibala ikusteko sarrera bikoitza

Aiaraldea Komunikabideak sarrera bikoitza zozkatuko du igandean EHZ Festibala ikusteko aukera emateko. Arberatzen izango da ekainaren 26an, 27an eta 28an.

Sariduna: Leire Rojano

Areta Trail lasterketarako dortsala

Uztailaren 25ean izango da Areta Trail lasterketaren VIII. edizioa eta Aiaraldea Komunikabideak dortsala zozkatuko du, jaia eta kirola uztartzeko

Sariduna: Unai Isla Monroy

Araba Euskaraz 2026 material sorta

Aiaraldea Komunikabideak Amurrion ospatuko den Araba Euskaraz jaiko hiru material sorta zozkatuko du irakurleen artean.

Saridunak: Aihnoa Gutierrez, Josune Polancos, Olaia Palacios

'Barruko mendiak' Maik Fallsen azken diskoa

Aiaraldea Komunikabideak Maik Falls artistaren azken diskoaren bi kopia zozkatuko ditu. Sortzaile laudioarrak ambient generoan sartu da lan honetan.

Saridunak: Leire Rojano, Amaia M L.

Porrotx eta Marimototsen 'Amazonia gara' ikuskizuna

Maiatzaren 22an Porrotxek eta Marimototsek Amazonia gara ikuskizuna eramango dute Amurrio Antzokira. Hiru sarrera bikoitz zozkatuko ditu komunikabideak.

Saridunak: Jokine Estrada, Garazi Abrisketa, Aintzane Camino

Oihu bat Palestinara jaialdirako sarrera bikoitza

Oihu bat Palestinara musika jaialdia izango da larunbat honetan, martxoaren 21ean, Durangoko Landako gunean. Aiaraldea Komunikabideak bertara joateko sarrera bikoitza zozkatuko du ostiralean bertan. 

Sariduna: Josu Garaita

24. Korrikaren produktu sortaren zozketa

24. Korrikaren produktu sorta bikoitza zozkatuko du Aiaraldea Komunikabideak.

Sariduna: Itziar Luelmo Esgueva

Errigorako bi produktu sortaren zozketa

Errigora egitasmoaren bi kutxa zozkatuko ditu Aiaraldea Komunikabideak. Martxoaren 18ra arte dago martxan Eskutik eskura kanpaina, eta elikagaiak haien webgunean eros daitezke. 

Saridunak: Maddi Alegria, Beñat Bilbao

'1TZ4L1 3T4 P1ZTU' musika elektronikoa eta bertsolaritza

Zuzeneko musika elektronikoa eta bat-bateko bertsolaritzaren arteko elkarlana du abiapuntu planteamendu musikal berri honek. Bi diziplina orain arte bereiziak modu malgu eta librean pentsatzen, gorpuzten eta interpretatzen arituko dira.

Zazpi sortzaile eszena gainean. Bi musikari: Manex Pagola eta Aner Peritz; lau bertsolari: Nerea Ibarzabal, Haira Aizpurua, Oihana Bartra eta Ekain Alegre eta gai-jartzaile bat: Idoia Anzorandia.

Musika elektronikoaren ohiko estilo eta doinuetara jauzi egingo dute. Bertsolariek doinutegi berritu eta birmoldatu baten gainean inprobisatu beharko dute musika elektroniko aktualaren egile garrantzitsuen abesti eta doinuak bertso-neurrietara ekarriz. Bertso-doinu berriak sortuko dituzte abesti elektronikoak bertsionatuta, besteak beste, reggaetona, reggaea, baladak, cumbia edota popa bertsotara bihurtuz. 

Bertso-doinutegi tradizionalaren ondarearen parte diren doinuak ere bertsionatuko dira musika elektronikoaren bidez, erritmo berrietara ekarriz eta ahots-efektuak baliatuz. “Itzali, piztu, sortu, abestu, zarata egin, jo, busti… kopla hau hobe irakurtzea autotune eta guzti”.

Sridunaa: Zutoia Latatu.

Araba Euskaraz Masters Series txapelketako finalerako sarrerak

Arabako Masters Series Txapelketako finala martxoaren 20an jokatuko dute Olaben 18:30ean.

Sariduna: Jon Ander Alonso Udaeta

Araba Euskaraz Masters Series txapelketako sarrerak martxoaren 13rako

Martxoaren 13an Araba Euskaraz Masters Series Txapelketako finalerako azken txartelak erabakiko dituzte Sorozabal-Romane eta Maite-Frida bikoteek eta Johan-Lopez eta Urresti-Del Rio, emakumezkoen eta gizonezkoen diziplinan, hurrenez hurren. Olaben izango da hitzordua 18:30ean.

Zozketa: Martxoak 12, 14:00etan

Araba Euskaraz Masters Series txapelketako sarrerak martxoaren 6rako

Lehen kanporaketa martxoaren 6an, ostiralean, jokatuko dute 18:30ean. Lur-Oaia lehiatuko dira Helena-Maialen bikotearekin eta gizonezkoen kategorian Erkiaga-Zabala eta Aaron-Basque arituko dira nor baino nor.

Sariduna: Maria Larrea Ornes