Aiaraldeko I. Egonaldi Feminista egingo du Bor-bor Feminismo elkarteak ekainaren 17an eta 18an

Erredakzioa 2023ko eka. 9a, 14:53
Deskargatu Info Ahotsak :

Aiaraldeko emakumeak`* saretzea izango da egonaldien helburua. / Aiaraldea.eus

Bor-bor Aiaraldeko Feminismo elkarteak larunbatetik iganderako egonaldia egingo du ekainaren 17an eta 18an, Tertangako aterpetxean.

Asteburuko topaketan emakumeak* saretzeko zein ahalduntzeko jarduera ugari egongo dira Tertangan, doan, eta umeentzako programazioa ere prestatuko dute. Aurreratu dutenez, Bizkaiko Urtxintxa Eskolak osatuko du umeentzako eskaintza, zaintza gunea ikuskizun eta jolaserako eremu bilakatuz.

Egitarau osoa sare sozialetan zabalduko dute datozen egunetan; baina, aurreratu dutenez, "perreo feminista" zein rap tailerrak, Aiaraldeko emakume* erreferenteen mapa, ipuin kontalariak, Aiarandreak batukada feministaren kalejira eta beste hainbat kontu prest dituzte jada.

Lotarako, ordea, 30 plaza bakarrik egongo dira. Egunean zeharreko egitarauan ez da mugarik egongo, baina izen-ematea eskatuko dute antolaketa lanak errazteko.

Izen-ematea ekainaren 14 arte egongo da zabalik, eta nahitaezkoa izango da. Interesdunek  online fitxa bete beharko dute horretarako. Ekimena doakoa eta irekia izango da, egitasmoa gauzatzeko Arabako Foru Aldundiaren diru-laguntza jaso baitu elkarteak.

Ekimena sustatzeko liburuxka bat sortu eta banatu dute eskualdean zehar. Bertan pilatu dituzte ekintza guztien nondik norakoak, baita ordutegiak zein jardueren adin tarteak ere.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide