Atzo izan ziren 2023ko udal hauteskundeak eta, alderdi politikoetatik harago, generoak ere merezi du analisirik. Alkategai bozkatuenen artean 9tik 2 baino ez dira emakumezkoak (%23,23). Horrez gain, 6 herritan gizonezkoak izango dira nagusi udal osoko bilkuretan. Alabaina, herrian herri oso egoera ezberdina utzi dute datuek:
Aiaraldeko 5 herritan (Artziniegan, Arrankudiaga-Zollon, Urduñan, Arakaldon eta Laudion) gizonezkoak izango dira nagusi udal osoko bilkuretan eta, ondorioz, erabakiguneetan
- Aiaran 11tik 6 izango dira emakume zinegotziak
- Amurrion 17tik 10
- Artziniegan 9tik 3
- Laudion 17tik 8
- Okondon 9tik 3
- Orozkon 11tik 4
- Urduñan 11tik 6
- Arrankudiaga-Zollon 9tik 4
- Arakaldon 5etik 1
Horrenbestez, oso agerikoa da desoreka, tokian toki:
- Aiaraldeko 5 herritan (Artziniegan, Arrankudiaga-Zollon, Orozkon, Okondon, Arakaldon eta Laudion) gizonezkoak izango dira nagusi udal osoko bilkuretan eta, ondorioz, erabakiguneetan.
- Artziniegan eta Okondon herena izango dira emakumezkoak udalaren erabakigune gorenean, eta Arakaldon bostena (emakume bakarra egongo da, Sonia Hidalgo alkatea).
Udal hauteskundeetan zehar genero berdintasun zein aniztasunari edota feminismoari buruzko aipu zein egitasmoak izan dituzte hizpide hainbat alderdi politikok euren ekitaldi eta programetan. Ikusteko dago, ordea, datozen lau urteetan zein politika feminista garatzen diren bailaran barrena, tokiko erakundeen eskutik. Azpimarratu behar da, ordea, genero kuotak ez duela bermatzen politika edo praktika feministak erdigunean jartzea. Horrenbestez, bada zer hausnartu eta eraldatua instituzioen zein alderdien barnean, oraindik ere.