Korrikaren edizio berria aurkezteari ekingo diote hurrengo astean Aiaraldean

Aitor Aspuru Saez 2024ko urtarrilaren 18a
Deskargatu Info Ahotsak :

Martxoaren 22an zeharkatuko du Korrikak Aiaraldea. / Aiaraldea.eus

Laudion eta Arrankudiaga-Zollon aurkeztuko dute euskararen aldeko egitasmoa.

Martxoaren 22an zeharkatuko du 23. Korrikak Aiaraldea (Artziniega, Aiara, Urduña, Amurrio, Laudio, Arakaldo eta Arrankudiaga-Zollo, hain zuzen) eta jadanik prestaketak abiatu dituzte herriz herri. Gauzak horrela, aurkezpenak egingo dituzte Laudion eta Arrankudiaga-Zollon.

Laudion astebete barru egingo dute, urtarrilaren 25ean, 19:30ean erabilera anitzeko udal gelan, udaletxearen alboan. Berbots Euskaltegiak aurtengo Korrikaren mezuaren berri emango du. Horrez gain, edizio honek nor omenduko duen aipatuko dute, baita Laudioko ibilbidea ere. Azkenik, Korrika Kulturalari buruzko ekarpenak jasotzeko asmoa daukate.

Hurrengo egunean, urtarrilaren 26an, ostirala, biltzeko deia zabaldu du Arrankudiaga-Zolloko Korrikako batzordeak. 19:30ean izango da hitzordua Gizarte Etxean.

Euskara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide