Atzo arratsaldean bilera egin zuen Joseba Diez Antxustegi Arabako Batzar Nagusietako bozeramaile jeltzaleak Aiaraldeko Kuadrillako pentsiodunekin. Izan ere, kolektibo horrek deitu zuen hitzordua, eskualdea eta Usansoloko Ospitalea garraio publikoarekin lotzeko aldarriarekin borroka zikloa abiatu ostean iaz (mozioak aurkeztu zituzten eskualdeko udaletan, besteak beste).
Foru Aldundiko ordezkariak aukera baliatu zuen azaltzeko erakundearen barruan lanean ari direla akordioa lortzeko eta 2024an zerbitzu hori abian jartzeko.
Horrez gain, Antxustegik argitu zuen ahalegina egiten ari direla "garraio-modu baten xehetasun zehatzak eta maiztasuna bilduko dituen azterlan bat garatzeko, Bizkaiko Foru Aldundiarekin lankidetzan, harekin zehaztu behar baitira zerbitzua abian jartzeko xehetasunak".
"Neurriak konponbidea eman nahi dio Aiarako Kuadrillako herritarren zati baten eskariari; izan ere, Galdakaoko ospitalera joateko garraio publikoa eskatu du, osasun-zentroko erabiltzaile guztientzat aparkaleku nahikorik ez duelako", adierazi du Antxustegik.
Foru Aldundiko ordezkaria Aiarako Kuadrillako bere alderdikideekin batu zen gero, egitasmoaren inguruan hitz egiteko.