Pasa den asteburuan izan zen Toledoko Cazalegas udalerrian hango Open Iberiarra eta Aiaraldeko sei borrokalarik eman zuten izena norgehiagokan. Emaitzak hobezinak izan ziren eta guztiek lortu zuten domina ekartzea. Hain zuzen, urrezko bost domina eta zilarrezko bat etorri dira eskualdera.
Gainera, aiaraldearrek diziplina anitzetan eman zuten izena. Esaterako, Jorge Bengoak eta Ruben Dominguezek 77 eta 63 kiloko kategorietan parte hartu zuten K1ean, hurrenez hurren. Jon Garciak Muay Thain egin zuen eta Anartz Dominguezek, Azkain Menoyok eta Aratz Casadok kick boxingean.
Ibai Ruiz Thailandian
Bere aldetik, martxoaren 19an Thailandiako Rajadamnern Stadiumen borrokatu zen Ibai Ruiz. Kirol azpiegitura oso enblematiko horretan egin zuen debuta amurrioarrak eta, ondo egin bazuen ere ("borroka oso ona eskaini genuen", bere hitzetan), ezin izan zuen gainditu esperientzia handiko aurkari baten kontra eta puntuetan galdu zuen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
