Aurten ere ordutegi eta zerbitzu murrizketa egongo da Osakidetzan udan

Aitor Aspuru Saez 2024ko eka. 3a, 16:20

Hainbat mobilizazio egin dituzte aurten osasun zerbitzu publikoko murrizketen aurka. / Aiaraldea.eus

Udako oporrek murrizketak eragingo dituzte Laudion, Okondon, Artziniegan eta Luiaondon.

Osakidetzako azpizuzendaritzak jakinarazi du ordutegi eta zerbitzu murrizketak egongo direla udan hainbat osasun zentrotan, langileen oporrak direla medio. Egoera ez da guztiz berria, iaz gauza bera gertatu baitzen.

Eragin hori nabarituko duten EAEko herrien artean daude Laudio, Okondo, Artziniega eta Luiaondo. Halaber, ez dituzte zehaztu Etengabeko Arreta Guneek izango dituzten egutegi eta ordutegiak.

Momentuz, honako hau da Osakidetzak zehaztu duena:

Artziniegak ez du jarduerarik izango uztailaren 29an eta 31n. Gainera, astelehenetan, asteazkenetan eta ostiraletan ere ez du zerbitzurik eskainiko abuztuaren 1etik 16ra bitartean eta irailaren 9tik 13ra bitartean. Tarte horretan, 8:00etan ireki eta 11:00etan itxiko dute astearte eta ostegunetan.
Luiaondon ez dute inor artatuko ekainaren 28an eta astelehenetan, asteazkenetan eta ostiraletan uztailaren 1etik 12ra bitartean eta abuztuaren 16tik 30era bitartean. Denbora tarte horretan 8:00etatik 11:00ak arte izango da irekiera ordutegia astearte eta ostegunetan.
Laudion ordutegia 8:00etatik 17:00ak arte izango da ekainaren 17tik irailaren 14ra bitartean.
Okondon ohiko ordutegia izango dute, abuztuaren 16an salbu.

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide