Piszifaktoria Ideien Laborategiko Mikel Ayllon eta Irati Agirreazkuenaga gonbidatu ditugu aste honetako Poliedroa saiora. Liburu batekin etorri dira, azken urteetan taularatu dituzten hiru antzerki barne hartzen dituena: Bunker, Hau ez da gerra bat eta Hau gerra bat da.
Hiru lanek giza harremanen erabateko porrotetik sortzen diren gerrak dituzte hizpide. Igor Arzuaga da azalaren egilea eta Irati Agirreazkuenagak idatzi du hitzaurrea. Hala ere, Piszifaktoria taldearen ibilbide orokorraz eta esku artean dituzten bestelako proiektuez ere mintzatu dira bi sortzaileak.
Podcasta Ivoox eta Spotify plataformetan ere entzun daiteke:
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.