Arabako Foru Aldundiko Kultura eta Kirol Sailak Arabako Lurralde Historikoko baselizak eta Trebiñuko enklabea kontserbatzeko eta zaharberritzeko esku-hartzeak garatzeko dirulaguntza ebatzi du 2024ko ekitaldirako, eta 70.000 euro emango ditu guztira hainbat eraikin konpontzeko. Horien artean daude Okondoko San Prudentzio ermita eta Laudioko Etxebarri baserria.
Zehazki, Okondoko San Prudentzio ermitako fatxada nagusia eta albokoa zaharberritzeko aurrekontua 15.383,94 eurokoa da. Eta Arabako Foru Aldundiak 9.845,72 euroko dirulaguntza emango du.
Laudioko Etxebarri baserriko fatxada nagusia finkatzeko proiektuaren aurrekontua, berriz, 14.822,50 eurokoa da. Eta AFAk 10.672,20 euroko dirulaguntza emango du.
Gogoratu behar da uztailean Arabako Foru Aldundiko Zaharberritze Zerbitzuko espezialistek margoak babesteko lanak egin zituztela Etxebarri baserriko fatxada nagusian. Zaharberritze-lan horiek 10.672 euroko dirulaguntza jaso zuten Foru Aldundiaren aldetik, obren balioaren %72.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
