Sei mediku txanda daude betetzeke Laudio eta Amurrioko Etengabeko Arreta Guneetan irailerako

Txabi Alvarado Bañares 2024ko ira. 4a, 08:56
Deskargatu Info Ahotsak :

Iragan astean eginiko mobilizazioaren irudi bat. / Aiaraldea.eus

Astelehen arratsalde eta gauean ez zen medikurik egon Laudioko Etengabeko Arreta Gunean. 

Irailean ere ez da bermatuta egongo mediku baten presentzia egunero Laudio eta Amurrioko Etengabeko Arreta Guneetan, gabezia aurreko hilabeteetan bezain nabarmena izango ez den arren. Guztira, sei mediku txanda daude betetzeke bi herrietako guneetan, zenbait osasun langilek Aiaraldea Komunikabideari jakinarazi diotenez. 

Hauek dira txanda horiek:

Amurrio:

  • Irailak 6: 17:00-09:00

Laudio:

  • Irailak 7: 09:00-09:00
  • Irailak 10: 17:00-08:00
  • Irailak 26: 17:00-22:00
  • Irailak 26: 22:00-08:00
  • Irailak 27: 17:00-08:00

Horrez gain, osasun langileek gaineratu dute astelehenen honetan bertan ez zela medikurik egon Laudioko Etengabeko Arreta gunean 17:00etatik 08:00etara bitartean. 

Medikuen gabeziaren arazoa nabarmen areagotu da udan zehar Aiaraldean. Hala ere, egoerarik larrienak ez dira Etengabeko Arreta Guneetan eman, Zainketa Intentsiboetarako Unitate mugikorretan baizik. Izan ere, duela bi aste laudioar bat zendu zen bihotzekoak jota, unitate horretan medikurik ez zegoenean. Gertaera horrek mobilizazio jendetsuak eragin ditu berriz ere, "osasun sistema publiko eta duinaren defentsan". 

Osasuna

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide