Laster hasiko dute Sacamantecas pelikularen grabaketa eta azken prestaketa lanetan ari dira. Goitizen bereko XIX. mendeko hiltzailearen (antza, sei emakume erail zituen) bizitza kontatuko du filmak eta grabaketa egunak izango ditu Aiaraldean; Tertangan eta Delikan, hain zuzen. Azaroaren 6an eta 7an arituko dira bi toki horietan.
Kevin Iglesias ekoizle amurrioarra da proiektuaren atzean dagoen sustatzaileetako bat eta une hauetan figuranteen bila dabil. Gaur Gasteizen egun osoan arituko dira horretan, baina interesdunek Internet bidez ere parte har dezakete hautaketa prozesuan. Hautatuek lan hitzarmenaren araberako ordainsaria jasoko dute.
Produkzio handi horren zuzendaria David P. Sañudo da (Azken erromantikoak filmaren arduradun bera) eta, besteak beste, Karlistaldietako batailak agertuko dira ikus-entzunezkoan. Horregatik, hain zuzen, beharko dute figurante mordoa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
