Atzoko haizeteak sortutako arazoak ez dira eten. Izan ere, atzo hainbat atzerapen gertatu eta gero, gaur C-3 linean Abandotik abiatzen diren eta Laudion ibilbidea bukatzen duten trenak eten dituzte. Renfeko beharginek azaldu dutenez, gauean zuhaitz batek kalteak eragin ditu azpiegituretan eta, zerbitzua guztiz eten ez duten arren, moldaketak egin dituzte.
Horrek esan nahi du Abando eta Urduña lotzen dituzten zerbitzuak baino ez daudela erabilgarri. Renfeko langileek adierazi dute ez dakitela noiz arte egongo den indarrean neurria.
Gertakari gehiago gaur
Hori ez da garraio zerbitzuan egondako ezbehar bakarra. Izan ere, 07:45ean Bilbora zihoan trena Aretan gelditu dute, merkantziak mugitzen duen unitate bat Ugaon utzi baitute. Bidaiariak jaitsi behar izan dira eta hurrengo trena hartu behar izan dute.
Berez, Kirk urakanaren azken kalteak direla dirudi, atzo hainbat ezbehar jazo baitziren, bai tren azpiegituran zein errepideetan (Amurrio eta Aiara artean, Laudioko Gardea auzunean...).
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
