Gaur eta bihar elkarretaratzeak egingo dituzte Barakaldon gertatutako hilketa matxista salatzeko

Erredakzioa 2025eko urtarrilaren 7a
Deskargatu Info Ahotsak :

Abenduan ere mobilizatu ziren Amurrion eta Aiaran orduan jazotako beste hilketa matxista bat salatzeko.

Amurrion gaur izango da mobilizazioa 19:00etan eta 12:00etan eta Arespalditzan bihar 18:00etan.

Urtarrilaren 3an, ostirala, gertatu zen Euskal Herrian 2025eko lehen hilketa matxista. Hain zuzen, 63 urteko gizonezko batek bere ama erail zuen Barakaldon. 84 urteko emakumezkoaren etxean jazo zen hilketa eta Ertzaintzak jakinarazi du indarkeria matxistagatik aurrekariak zituela hiltzaileak. Igandean espetxeratu zuten erasotzailea.

Hilketa salatzeko eskualdean mobilizazioak egingo dituzte gaur eta bihar. Gaur 19:00etan izango da elkarreteratzea Amurrion, herriko Mugimendu Feministak deituta. Udalak bat egin du protestarekin. 

Aldiz, biharko bi deialdi zabaldu ditu Aiarako Udalak hilketa matxistaren kontra. 15 minutuko kontzentrazioak izango dira. Lehenengoa 12:00etan egingo dute udaletxeko sarreran eta bigarrena 18:00etan Ferialean.

Abenduaren 3an izaera bereko elkarretaratzeak deitu zituzten bi udalerrietan eta Artziniegan Pasaian gertatutako erailketa salatzeko.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide