Basarte jendez lepo bete du Amurrio-Laudio derbiak

Erredakzioa 2025ko urt. 12a, 17:05
Deskargatu Info Ahotsak :

Taldeek ez zuten baloia atean sartzerik lortu, baina giro ederra sorrarazi zuten Amurrioko Basarte futbol zelaian.

Larunbat arratsaldean jokatu zuten Amurrio Club eta CD Laudio taldeek euren arteko derbia, ohorezko mailako kategorian. Lehiak lehia, partidua hasi baino lehen omenaldia egin zieten Kali Garrido eta Juan Carlos Rebollo jokalari ohiei, eta haiek arduratu ziren ohorezko sakea egiteaz.

Basarte futbol zelaia erabat beteta zegoela adierazi du Amurrio Clubeko presidente Laurentz Ibarrolak: "Giroa paregabea zen. Ni klubaren presidentzian nagoenetik ez dut Basarten hainbeste jende ikusi".

Kali Garrido eta Juan Carlos Rebollo futbol jokalari ohiak omendu zituzten atzo Amurrio Club - CD Laudio derbiaren hasieran pic.twitter.com/So7sX3an30

Golik gabeko derbi bizia

Gradetan zeuden zaletuen animo-oihuak, baina, ez ziren nahikoa izan ez bertakoentzat ez talde bisitariarentzat, markagailua 0-0 zegoela bukatu baitzen norgehiagoka.

Ez zen partidu lasaia izan, ordea. "Derbi gogorra eta intentsitate handikoa" izan zela azpimarratu du Chris Gomez Dominguez argazkilariak, bertan izan baitzen kameraren beste aldetik irudiak jasotzen. Gomezen arabera "talde bakoitzak izan du ia gola" lortzeko aukera, lehenengo CD Laudiok, "baselina baten bitartez" eta gero Amurrio Clubak "falta bati esker". 

Argazkiak: Chris Gomez Dominguez

Kirola Amurrio Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide