Sorkuntzaz beteko da Faktoria datorren larunbat iluntzean. Kultur Faktoriako sormen bekak irabazi zituzten sortzaileak egongo dira bertan, azken hilabeteetan mamitu dituzten piezak jendaurrean aurkezteko prest.
Sarrerak salgai daude dagoeneko hemen, baina Aiaraldea Komunikabideak sarrera bikoitza zozkatuko du, hemen.
Honako hau izango da larunbateko programa:
19:00 / GOIZANE RODRIGUEZ · Arte bisuala
ERMUALDE. BEGIRADA ETA KONTZEPTU ARTISTIKO BERRIAK
Eskulturaren bidez, Ermualdeko aztarnategi arkeologikoaren ondarea berrinterpretatu izan du. Erakusketa honen bidez, bere eskulturak ezagutuko ditugu. Horrez gain, bere sorkuntza-prozesuen ideien mapa eta zirriborroak ezagutuko ditugu.
19:30 / MARTZ · Arte plastikoak
KOLOREKO PERTSONA
Margoan zentratutako arte plastikoen proiektu bat da, eta bere ikuspegi nagusia arraza-identitatearen, kultura-hegemoniaren eta bestearen pertzepzioaren arteko tentsioak aztertzean datza. Erakusketan hainbat mihise erakutsi dizkigu, baita sorkuntza-prozesuaren zirriborroak eta baliatutako teknikak azalduko dizkigu ere. Gainera, bere erreferentziak ezagutuko ditugu, bestelako irudi eta liburuz osatutakoa.
20:00 / GARAZI EGIGUREN · Dantza eta ikus-entzunezkoak
ARGILUNAK SAREA
Dolu prozesu batetik sortu da Argilunak proiektua. Bizipen pertsonal honek, unibertsalizatzeko ariketa izan nahi du. "Nire minak zuretik du, zureak niretik duen bezala". Garazik Amaia Santamariaren eskutik, zuzenean proiekzio analogikoa egingo du eta dantza piezaren zati bat partekatuko dute. Piezaren osotasuna umore azokan aurkeztuko du aurrerago.
20:45 / XABI BASTERRA ETA MATX · Musika
DES(EZ)BERDIN
Bi musikari. Bi bakarlari. Bi ikuspuntu ezberdin. Sortzeko bi era ezberdin. Eta bi belaunaldi ezberdin. Baina hain ezberdinak dira? Xabik eta Matxek garatutako prozesu honen ostean konposatu dituzten kantuak aurkeztuko dizkigute. Kontzertuan, Alex Yarza bateria-jolea izango dute bidelagun.