Aiarako Kuadrillak aurtengo aurrekontua onartu eta hondakinak jasotzeko 2 milioi euroko lizitazioa prestatu du

Erredakzioa 2025eko martxoaren 12a
Deskargatu Info Ahotsak :

Zabor bilketaren lizitazioa abiatzea onartu dute. / Aiaraldea.eus

Ostiralean onartu zituen Aiarako Kuadrillak 2025eko aurrekontuak eta, horraz gain, urrats garrantzitsua egin nahi du erakundeak hondakinen bilketarako lizitazioa abiatuta. Zortzi urteko kontratua izatea aurreikusi dute, 19.625.038,52 euroko gastuarekin.

Amurrion egin zuten ostiralean Aiarako Kuadrillako batzarra eta aurtengo aurrekontuak onartu zituzten. Laudio, Aiara, Okondo, Amurrio eta Artziniega barne hartzen dituen erakundeak 8.577.440,20 euro baliatzea aurreikusi du aurten.

Kopuru horren zati handi bat, ia %25a, hondakinen bilketa eta garraiora bideratuko dute. Izan ere, bilera berean onartu zuten zerbitzu hori kontratatzeko lizitazioa abiatzea, 2.044.274,85 euroren truke. Guztira, zortzi urterako esleitu nahi dute, 19.625.038,52 euro baliatuta guztira.

Aiarako Kuadrillaren egoitza

Bestalde, Aiarako Kuadrillaren egoitza Arespalditzan behin betiko finkatzeko urratsak eman zituzten. Aiarako Udalak Sindikatu Zaharraren Eraikina lagatzea onartu zuten batzarrean, helburu horretara bideratzeko.

Ekonomia Araba

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide