Martxoaren 7an izan zen Aiarako Kuadrillaren batzarra Amurrion eta, EAJk azpimarratu duenez, erakundearen izenean aldaketa garrantzitsua egongo da hemendik aurrera. Izan ere, Aiaraldeko Kuadrilla izango da bere izendapen ofiziala.
Jeltzaleek aurkeztu zuten ekimena eta ordezkaritza duten alderdi guztien oniritzia jaso zuen ekimenak: "eskualdearen nortasuna indartu eta herritarrek gehien erabiltzen duten izendapenera egokitu nahi da".
Horrela jakinarazi dute jeltzaleek atzo zabaldutako prentsa oharrean, zeinean aldarrikatu duten 2025eko aurrekontuak aurrera eginda, EAJk Aiaraldeko egonkortasuna eta garapena indartu dituela. Berez, gogoratu beharra dago Iñigo Pinedo jeltzalea dela Kuadrillako presidentea.
Oharrean, EAJk azaldu du erakundeak berak aletutako erabakiak: aurrekontuaren eta hondakinen bilketarako kontratu berriaren onarpena, Aiarako Udalaren Sindikatu Bertikaleko egoitza ohia lagatzea Aiaraldeko Kuadrillako egoitza bilakatu dadin eta Martxoaren 8ko adierazpenaren akordioa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
