Hainbat bide baliatuta jakinarazi dutenez, gaurko eta hurrengo bi asteetan egin behar zituzten greba eta lanuzteak bertan behera utzi dituzte Renfe eta Adif enpresa publikoetako sindikatu gehienek. Hain zuzen, azken orduetan SEMAF, UGT, CCOO eta SCF erakundeek adostasuna lortu dute Espainiako Gobernuko Garraio eta Mugikortasun Jasangarriko Ministerioarekin eta Kataluniako Generalitatearekin hitzarmen kolektiboaren baldintzak errespetatu ditzaten eskumen aldaketarekin.
Izan ere, Espainiako eta Kataluniako Gobernuek Rodalies zerbitzua azken horren eskuetan utziko dute laster.
Edonola ere, CGT era SF sindikatuek ez dute akordioa sinatu eta horrek eragina izan dezake zerbitzuan. Horregatik, Renfek eskatu die bidaiariei ordutegia begiratzeko enpresako webgunean deialdiak iraun bitartean.
CGTk eta SFk argudiatu dute grebaren helburua ez zela bakarrik Kataluniako gatazka, baizik eta enplegu publikoaren etorkizunari lotutakoa. Horrez gain, CGTk azaldu du denbora eskatu dutela langileei akordioaren inguruan galdetzeko eta ez dutela onartu.