Kultur sorkuntza Aiaraldean

Gaur egungo nerabeen eta historiak ahaztutako emakumeen ahotsak uztartuko dituzte Piszifaktoriako kideek bihar, Loraldia jaialdian

Txabi Alvarado Bañares 2025ko mar. 21a, 18:00

Mikel Ayllonek eta Irati Onaindiak gidatuko dute biharko paseoa. / Piszifaktoria

Mendi ibilaldi antzeztua egingo dute San Mamesetik Arraitzera.

Parte hartze nabarmena izaten ari dira Piszifaktoriako kideak Loraldia jaialdian. Iragan astean Hitzaurrea soinu pieza aurkeztu zuten bertan, eta bihar mendi ibilbide gidatua eskainiko dute San Mamesetik Arraitzera. 

Goroldiorik ez (II) izenburua jarri diote egitasmoari. Izan ere, iaz egin zuten lehenbiziko aldiz, Loraldia jaialdian ere, eta Artziniegan eskaini zuten irailean, Arteko zelaietan barrena:

Hala ere, obra “biziberritu” egiten da saio batetik bestera, “artea, natura eta memoria” uztartuta eta espazioaren arabera egokituta. Hala azaldu dio Piszifaktoriako kide den Mikel Ayllonek Aiaraldea Komunikabideari. Idazle laudioarrak aurreratu duenez, aurreko emanaldien funtsa mantenduko dute biharko ekimenean: paseo bat ematea audio batzuk entzun bitartean. 

Oraingoan, baina, kolaborazio “oso berezi” bat izan dute Piszifaktoriako kideek. Izan ere, 15-17 urte bitarteko zazpi nesken ahotsak izango dituzte bidelagun biharko zitan. “Euren mundo ikuskeraz hitz egingo digute, zelan ikusten duten eurek mundua”, azaldu du Ayllonek. Horrekin batera, “historiak ahaztutako bost emakume bilbotar” ere ekarriko dituzte gogora audioetan, eurek idatzi ahal izan zituzten “bost gutun fikzionaturen bidez”. Modu horretan, aspaldiko emakume horien eta nerabeen ahotsak batuta, “memoria ariketa” bat osatuko dute, “atzeraka zein aurreraka doana”.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!